وهي تحكي قصة حقيقية وقعت للشاعر ، حين فقد أحد أحبابه في حادثة غرق سفينة صيد
إستخبار
الواد يدي للبحـر والبحر غامــــــق
الفراق صعيب ومر وفي داخل القلب يحـرق
الفراق دواه الصبر والكاتبة من الله تلحـق
يا بحر الغامق ماذا ديت رجال ونسـوان
شابات و شبان
صبيات وصبيان
مللي اديت وخيي فسفينتو ما بان آوعدي
يا بحر الطوفان
ملي خرج فالصبحيـة
ما رجعش للعشيـة
سولت اصحابو البحرية
حتى خبر عنو ما بان
يا بحر الطوفـــان
مللي غدا عليا وغـاب
حد مــا ردلي بجواب
ابقيت انقاسي في عداب
محيــــر حيـران
يا بحــر الطوفـان
موال: 1
مثلت روحي لحمام اللي مبني على صهد نارو
من برا ما بان دخانو ومن داخل طابو حجارو
من السفينة بقاو غير شي لوحات
مرفوعين فوق الموجات
ثمة عرفت حبيبي مات
ارحمو يا رحمــان
يا بحر الطـوفان
لوكان مات بيــــن يديـــا
ندفنو ونبرا مــن الكيـــة
نزور قبرو صبحة وعشية
ينجلاو عني لأحـزان
يا بحر الطوفـان
موال: 2
بدلت وواسيت مطرح ، بالسماء غطيت روحـي
بالقمر واسيت مصباح ، وبالنجوم ونست روحي
كل جمعة نزور الموجات
ندي معايا شـي وردات
ننشرهم فوق لحجـيرات
هذا وعد الرحمـــان
يا بحر الطوفــــان
الأربعاء مايو 09, 2012 1:47 am
