قصيدة : حكمت للشاعر الحساس محبوب آتي(رحمه الله) ، غناها بتألق المطرب المرحوم الهاشمي قروابي

حكمت ، ما عرفت كيفاش حكمت ، أمشيت نزور الدار اللي فيها خليلتي
نتفكر الوقت والصغر ولإيام الزينين

حكمت ، ما عرفت كيفاش حكمت ، مانيش حقودي هادي هي طبيعتي
ماذا من كية كواتني وأنا قلبي حنين



أنا قلبي سماح ، يصبر للي جات كاتبة من عند الرحمان

كان الصغر وراح ، ماذا جرحوني الريام في قديم الزمان


تتسامح لأرواح ، رانا يافلان زايدين فالقرن العشريـن

والعبد الجواح ، من حقو يصغى وينتبه ويحط العينيـن


امشيت نزور حباب ، كانتلي غالية سوامهم ما ليهاش حدود

غلقو حتى الباب ما نعرفشي آش صادهم جاحو فالموعـود


زادولي عذاب ، ربي يكافيهم بالكفى وحق الظالمين

كيما أمري خاب يخيبهم ربي بحق دعوة العاشقين