زغلول لطيف يا عريف * نحكي لك و افهم * في سن الورد و الربيع باهي الأوصاف
مغرور بريشه الظريف * جاني متخاصم * سل سيفه قال لي عندي خلاف
أوقف إذا أنت شريف * من أهل الخاتم * وري لي وين وصلاتك قوة الأكتاف 2
جاوبت أنا وقلت كيف * ماجي تتكلم * بكلام الغيظ واش هذي الغضبة و زعاف 2
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
ما هيشي جابها النيف * كي جيت محزم * هذي غيرة مرزمة و حسودي بزاف
ضنيتك صاحبي حليف * بيا تتزعم * و ترن هجيت لي مطامر تدي للكاف
حتى ولى أنت سخيف * من حقك تحشم * تعرفني قاطع البحور جايل الأرياف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
عساك أنت اللي قصيف * للدنيا قادم * مثلك ما عاش ما زهى واش اللي شاف
اللي زغلول ما ينيف * ورشان معلم * قادر يرحيه في حروف ألها لام و كاف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
مرقوم الريش يا رهيف * أرجع لا تندم * عندك منقار ما يحارب و جناح ضعاف
أترك الحديث العنيف * ما هوش موالم * وأترك عليك لغة الغضبة و التشناف
اللي زغلول يا نحيف * أرجع للمرسم * و اللي بعتوك قول لهم ما همش ظراف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
كاين اللي يجي بسيف * يبدأ يتزعم * و يقول أنا غير أنا ما كاش خلاف
خصوص إذا أنت سعيف * تسكت و تساعف * ترجع في حينها حلاسة و إلا نشاف
يحسبو كل شي خطيف * غير أجي و زضم * و اللي يبقى مع التوال يقولوا زحاف
كاين اللي يجي لهيف * بنيابه يهضم * ما رواته ميات صحفة و ألف غراف
بغي كرسي من الصديف * و كنوز العالم * اللويز و الماس و الفضاضي من كل أصناف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
كاين اللي يجيك عفيف * ما زاله يحلم * ذقنه ما زال ما عرف موس الحفاف
يرجع ضربان لا تصيف * زقطي متشلغم * باعك و شراك في دقيقة عند الحراف
كاين اللي يجي تقيف * يعرف يتكلم * بالأنبياء و الكتوب وجمع الأشراف
يخدعك غير بالحليف * يقسم و يعظم * و السبحة راه من وراها يعمل زرناف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
كاين اللي يجي تقيف * يعرف يتكلم * بالكتاب والرسول والسادات الأشراف
يخدعك غير بالحليف * يقسم و يعظم * و السبحة راه من وراها يعمل زرناف
كاين اللي يجيك ضيف * بالقش مرزم * في أيام البرد و الشتا و الريح الزفزاف
فاتت الأمطار و الخريف * باقي مترسم * يرجع هو مول دارك و أنت جحراف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
لحمام إذا نسى الولفة * من بعد الحب و الشغاف
خلاني في الأحزان و جفى * من دون دواس لا خلاف
هذا تحقيق به جوفة * شكيت داروا له الثقاف
الباز إذا يغيب صدفة * يهجر و يروح للتلاف
خلاها خالية الغرفة * من ذاك اليوم ما أنشاف
ضنيته صاحبي و يجفا * و ترن ثعبان في الاجواف
أشن ذا العار كشفة * ياناس بلادي يا سخاف
درتوها مرتبة و حرفة * أنكرتوا الخير و الصناف
سومتكم ما سوات علفة * في سوق السبت و الجياف 2
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
ما هي صحبة و لا معرفة * ما هي نسبة و لا حلاف
كيفاش القلب عاد يصفى * كي قطعتوه بالاطراف
من يصحبكم راح في الفا * و الرا المسبقة بقاف
يا ضيف الله جوز تدفى * رد سلامي لا تخاف
ياك حنا نايضين شرفا * و الله ما نخيبوا الضياف
أرتاح هنا بغير كلفة * وأترك عليك ذا اللحاف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
يحسبوا الشيخ ما يفيد * عدوه يخرف * قنديلوا مات وانطفى
و الشيخ أ سامع القصيد * نوره ما يكسب مابين الصبح والعشية والناس تشوف
يحسبوا الشيخ ما يفيد * عدوه يهترف * قالوا سيفه رشى حفى
و الشيخ أ سامع القصيد * ما زاله يهدف * بسيفه براق فالثنية ديما معروف
يحسبوا الشيخ ما يفيد * كالثور الشارف * ارحاوا الموس في الخفا
و الشيخ أ سامع القصيد * ما هوش مكتف * ما هوش غنيمة الضحية ما هوش خروف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
يحسبوا الشيخ ما يزيد * شملاله يوقف * كيف ما عملوا ما كفى
و الشيخ أ سامع القصيد * يسكت و يساعف * راهي ما خفات له خفية كلش مخلوف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
غنيت شحال من قصيد * منظوم مستف * و الناس جميع عارفة
فني ما هوش مالمسيد * مانيش مثقف * قراني الجوع و الحفا
خبزي مصنوع من سميد * ماهوش مسلف * داري ماهيش تالفة 2
ماني محساد لا جحيد * عمري ما نسخف * نمشي و نعيش بالصفا
يشهد القريب و البعيد * ما نيش موالف * نهدر و نقول في القفا
عظمي ماهوش للكديد * مانيش محشلف * أرضي ماهيش ناشفة
الصيد يموت ياك صيد * و لو كي يشرف * منه الذياب خايفة
اللي مقيود ما يقيد * يشد المقذف * في وسط رياح عاصفة
مول المنظوم و القصيد * ما هوش مطرف * من أهل الصدق و الوفا
ولد باب جديد بالوكيد * بير جبح نحلف * التومي قال مصطفى
و اللي غناها عميد * فيها يتصرف * شيخ العنقا اذا كفى
عام السبعين لا تزيد * من بعد الالف * و التسع ميا مردفة
الجزاير عهدها جديد* سنجاق يرفرف * تميت و قلت بالصفا
زغلول لطيف يا عريف * نحكي لك و افهم * في سن الورد و الربيع باهي الأوصاف
يحسبو كل شي خطيف * غير أجي و زضم * و اللي يبقى مع التوال يقولوا زحاف
سبحان الله يا لطيف * أنت اللي تعلم * كاين شي ناس من استحاهم يقولوا خاف 2
الثلاثاء مايو 01, 2012 9:04 pm
